Monade de Trieste

Cossa me costava un soriso ieri, sula porta, co ti, delicata e ingenua, te me ga ciolto le MS senza filtro inveze che le Marlboro?

Cossa me costava un soriso là del canton co 'na veceta me ga traversà col rosso e go dovù inciodar de bruto?

Cossa me costava un soriso ala casiera del market co stavo pagando, che per dirme 15 euri la me ga spudazzà sui bisi e sul mataviltz?

Un soriso demoselo pur, no se fadiga, e stasera co magnerò la jota freda pensando che te la ga fata ti con le tue manine dolzi e delicate, cossà me costeria farte un soriso?

E al mio colega che la matina riva tardon e no fa un cazo tuto el giorno, cossa me costassi farghe un soriso?

E anca a sto mona spuzolente che el xe drio a mastruzarme de continuo el pie mentre son sula dicianove per tornar casa copà del lavor, cossa me costassi farghe un soriso?

Come anca al capo che rompi i coioni de matina a sera, cossa me costassi farghe un soriso?

Certo no me costassi proprio niente...

Ma perché... se li mando tuti in MONAZA DE SU MARE, me costa qualcossa???